Mолитва свт. Димитрия Ростовского

Спаси мя, Спасе мой, по милости Твоей, а не по делом моим. Ты хощеши мя спасти. Ты веси, коим образом спасти мя. Спаси убо мене, якоже хощеши, якоже можеши, якоже веси. Имиже веси судьбами спаси мя. Аз на Тя, Господа моего, надеюся, и Твоей воле святой себя вручаю: твори со мною еже хощеши. Аще хощеши мя имети во свете, буди благословен. Аще хощеши мя имети во тьме, буди паки благословен. Аще отверзеши ми двери милосердия Твоего, добро убо и благо. Аще затвориши ми двери милосердия Твоего, благословен еси Господи, затворивый ми во правду. Аще не погубиши мя со беззаконьми моими, слава безмерному милосердию Твоему. Аще погубиши мя со беззаконьми моими, слава праведному суду Твоему. Якоже хощеши, устрой о мне вещь.